兒童眼科視光檢查
健康眼睛同良好視覺，對小朋友學習、社交同運動都好重要。視力好唔等於視覺好——屈光、雙眼協調、眼睛健康出問題，可以影響學業、自信同自我形象。有研究指出，約七成半有學習困難嘅學童同時有不同程度嘅視覺問題。
有啲問題只影響一隻眼，小朋友日常仲應付到，未必會講。及早檢查，先有機會及時改善或矯正。
幾歲要檢查？
一歲前：先天眼疾、眼睛是否正常發展
約三歲：視力、眼睛健康、雙眼協調（眼球移動、斜視、對焦）。錯過呢個階段，弱視等問題有機會造成永久影響
讀小學前：視覺發展是否達標；度數有否阻礙學習
本中心建議綜合眼科視光檢查由三歲開始。
兒童視覺問題的常見徵兆
如果留意到以下情況，建議盡快預約檢查：
外觀上
- 眼睛向外或向內斜
- 經常大力眨眼、「矇」起眼睇嘢
- 睇嘢時皺眉、頭向前／後傾或偏側
- 眼紅、眼蓋紅腫，或者怕光、流眼水多
行為上
- 異常近距離睇書或睇電視
- 厭惡或逃避近距離工作；閱讀時跳行、跳字、漏字
- 閱讀時閉一隻眼，或者明顯偏用某一隻眼
- 坐姿不正、頭偏側得好勁；英文字容易混淆或倒寫
小朋友自己講
- 睇遠或睇近唔清
- 閱讀時或之後頭痛、眼痛、眼痕或不適
兒童視覺點樣發展？
初生嬰兒眼睛大約係成人六至七成大；零至八歲係視覺發展黃金期。初生時主要睇到光同影，大約四歲左右先接近成人視力。期間眼睛同腦部一齊發展；若出現先天青光眼、白內障、嚴重屈光不正、斜視等，可損害視力。好多先天眼疾喺小朋友未識表達之前已經出現，所以定期檢查特別重要。
本中心的兒童視光檢查包括
- 視力檢查
- 屈光檢查及矯正（近視、遠視、散光）
- 假近視檢查
- 顏色視覺、立體視覺
- 斜視檢查、弱視檢查
- 眼睫肌麻痺度數檢查
- 眼睛內外健康檢查
- 放瞳視網膜健康檢查（如有需要）
相關兒童視覺護理服務
- 兒童綜合眼科視覺檢查
- 近視控制 → 兒童近視控制指南
- 斜視及弱視治療
- 視覺訓練