老花眼鏡驗配

老花係眼睛自然退化現象。大約四十歲左右，好多人會發現睇近越來越吃力——要將書本拉遠、或者除低近視眼鏡先睇得清；由遠望近或由近望遠時，亦可能短暫模糊。睇書時容易眼倦、想瞓、頭痛，影響閱讀興趣。

成因係眼內晶體逐漸硬化、失去彈性，睇近時唔能夠正確對焦。

可以點樣處理？

近用眼鏡

另外一副加咗老花度數嘅近用鏡，專門睇近。好處係較易適應、視野較大；缺點係睇遠會矇，要成日換眼鏡。

單眼視力（Monovision）

調整度數令一隻眼負責睇遠、另一隻睇近。好處係唔使成日換眼鏡；但立體感可能變差，唔係人人適應。

雙光眼鏡

同一塊鏡有睇遠同睇近區，但鏡片上有明顯分界線，影響外觀；老花較深時，中距離文字可能唔夠清。

漸進眼鏡

多焦點設計，度數由上而下逐漸改變，遠、中、近都可以睇。外觀似一般近視／遠視鏡。鏡片兩側有干擾區，經該區睇會覺得矇或暈，剛戴時通常需要數天適應。

視光師驗眼後會按你需要建議最適合嘅方案。本中心選用光學產品跟從香港眼科視光師學會及香港光學會相關專業標準。